-ការចិញ្ចឹមទាដោយប្រើចំណីផ្សំដោយខ្លួនឯង
មានបុរសម្នាក់ជាជនជាតិហ្វីលីពីនឈ្មោះ Leo
Dator អាយុ ៤៣ឆ្នាំ
គឺជាអ្នកចិញ្ចឹមទាយកពងម្នាក់ដែលទទួលនៅជោគជ័យបំផុត
គឺគាត់ខ្លួនឯងនិងក្រុមគ្រួសារគាត់បានចាប់
យកមុខរបរនេះតាំងពីឆ្នាំ ១៩៨៤ មកម្ល៉េះ ។
កសិកររូបនេះគាត់បញ្ចៀសបាននូវការប្រើចំណីពីរោងចក្រទាំងស្រុង
គ្រប់ចំណីទាំងអស់ដែលបានផ្តល់ឲ្យទារបស់គាត់
គឺគាត់ផ្សំឡើងដោយខ្លួនឯង
នេះក៏ព្រោះតែគាត់មិនមានលទ្ធភាពទិញចំណីទាំងនោះមកឲ្យទាគាត់ស៊ី
។ គ្មាននរណាម្នាក់ជឿទេថាគាត់អាចធ្វើដូច្នេះបាន
ប៉ុន្តែកសិកររូបនេះនិងអ្វីដែលគាត់អាចធ្វើបានគឺជារឿងដោយឡែក ។
ឧស្សាហកម្មសាច់ទា និងពងទាគឺជាមុខរបរមួយកាក់កបគួរសមបើយើងអាច
ចំណាយអស់តិចនិងអាចផ្សំចំណីឲ្យវាស៊ីបានគ្រប់គ្រាន់ ។
សព្វថ្ងៃនេះការចិញ្ចឹមទា
គឺជារឿងមួយលំបាកសម្រាប់អ្នកខ្លះដែលមិនមានការពិសោធន៍
និងមិនមានលុយគ្រប់គ្រាន់សម្រាប់ទិញចំណីឲ្យវាស៊ី ម្លោះហើយ
ចំនួនអ្នកចិញ្ចឹមបានថយចុះយ៉ាងច្រើនពីមួយឆ្នាំទៅមួយឆ្នាំ ។
នៅប្រទេសយើងការចិញ្ចឹមទា,
យើងនិយមឲ្យវាស៊ីស្រូវ និងចំណីផ្សំខ្លះទៀត
ប៉ុន្តែពេលនេះស្រូវឡើងថ្លៃ
និងអ្វីៗក៏ថ្លៃធ្វើឲ្យការទិញស្រូវឲ្យជាចំណីសម្រាប់ទាមាន
ការពិបាក ច្រើន ។
តាមការពិសោធន៍របស់លោក Leo
Dator អ្នកចិញ្ចឹមទាដែលមានបទពិសោធន៌ជាង ២០ឆ្នាំ
កន្លងមកហើយបានបកស្រាយពីពិសោធន៌របស់គាត់ថាៈ
កាលគ្រាចាប់ផ្តើមដំបូង
ខ្ញុំបានព្យាយាមរកចំណីសម្រាប់ផ្តល់ឲ្យទារបស់ខ្ញុំចំនួន
១៥០០ក្បាល វាគឺជារឿងមួយយ៉ាងលំបាកសម្រាប់ខ្ញុំ
ប៉ុន្តែខ្ញុំបានស៊ូទ្រាំតស៊ូ សម្រាប់ការប្រឈមមុខរឿងចំណីនោះ
ដំបូងបំផុតខ្ញុំបានប្រមូលទិញដំឡូងឈើ ដំឡូងជ្វា ស្លឹក-ទងដំឡូងល្វា
យកមកចញ្ច្រាំឲ្យខ្ទេចរួចឲ្យទាទាំងនោះស៊ី
ខ្ញុំបានប្រមូលទិញខ្ចៅ ខ្យង លៀស គ្រំតូចៗ
មកកិនបំបែកឲ្យវាស៊ីជាបន្ថែម សូម្បីធាង ស្លឹក
មើមត្រាវក៏ខ្ញុំបានសាកល្បងដែរហើយទាំងអស់នោះទទួលបានជោគជ័យបំផុត
ចំណាយតិចបំផុត
ហើយលទ្ធផលវិញគឺល្អជាងការឲ្យស៊ីចំណីផលិតពីរោងចក្រទៅទៀត ។
លោក Leo
Dator
បានឲ្យដឹងទៀតថាៈមានភ្នាក់ងារតំណាងក្រុមហ៊ុនផលិតចំណីសត្វពី
ក្រុមហ៊ុននានា
បានមកទាក់ទងខ្ញុំដោយបានប្រាប់ខ្ញុំពីប្រភេទចំណីដែលគេធ្វើ
គឺប្រកប ដោយគុណភាព ល្អយ៉ាងនេះ
ល្អយ៉ាងនោះមិនអាចប្រៀបស្មើជាមួយចំណីយ៉ាងសាមញ្ញរបស់ខ្ញុំឡើយ ។
- គ្រប់ដំឡូង ទាំងដំឡូងឈើ ដំឡូងជ្វា ដើមស្លឹកមើមគឺជាចំណីយ៉ាងសំខាន់បំផុតជំនួសឲ្យអ្វីៗផ្សេងទៀត ។ (បូករួមទាំងស្រូវ និងកន្ទក់)
- ខ្យងខ្ចៅ គ្រំ លៀស ខ្យងមាស គឺជាប្រភពជំនួយយ៉ាងសំខាន់សម្រាប់ឲ្យទាពងបានល្អ និងបានច្រើនថែមទាំងទៀងទាត់ទៀតផង
- ជន្លេន បើអាចចិញ្ចឹមបានសម្រាប់ផ្តល់ជាចំណីឲ្យទា គឺជាការមួយប្រសើរណាស់
សរុបសេចក្តីមកចំណីដែលខ្ញុំអាចផ្តល់ឲ្យទារបស់ខ្ញុំគឺមានដូចខាងក្រោមនេះ
- ស្រូវបណ្តុះឲ្យចេញជាពន្លក
- ដំឡូងឈើ ដំឡូងជ្វា ស្ងោ, ល្ពៅទុំកិនឲ្យខ្ទេច, សំបកចេកផ្អាប់
- ស្លឹកដំឡូងជ្វា ឲ្យស៊ីស្រស់ៗ
- ស្លឹកដំឡូងឈើ ស្ងោរ ឬត្រាំទឹកស្ករមួយយប់សិនទើបឲ្យស៊ី
- ខ្យងខ្ចៅ លៀស គ្រំ កូនកង្កែប ជន្លេន ប្រមូលទិញយកមកឲ្យវាស៊ី ពីអ្នកដែលគេដើររក
- ត្រាវកាត់ជាដុំៗហាល រួចកិនលាយជាមួយខ្យងខ្ចៅ កន្ទក់ឲ្យវាស៊ី
- ត្រីល្អិតៗស្រស់ៗ ដែលគេរកបានពីសមុទ្រ មួយសប្តាហ៍ស្ងោរឲ្យស៊ីម្តងលាយជាមួយកន្ទក់ ។
ចំណីទាំងអស់ខាងលើនេះ គឺល្អណាស់ល្អបំផុត ។
សព្វថ្ងៃនេះកសិដ្ឋានរបស់ខ្ញុំផ្តល់សាច់ទា ពងទា
ស្ទើរទាំងអស់ទៅក្នុងទីផ្សារនៃទីក្រុងម៉ានិល
ព្រមទាំងមានបញ្ជូនទៅលក់ឲ្យប្រទេសផ្សេងៗ ក្នុងអាស៊ីផងដែរ
វាគឺជាជោគជ័យមួយដោយប្រើប្រាស់វិធីផ្តល់ចំណីយ៉ាងសាមញ្ញបំផុត ។
ចាប់តាំងពីពេលចិញ្ចឹមដំបូងរហូតមកទល់ពេលនេះ
ខ្ញុំមិនដែលជួបប្រទះបញ្ហាជំងឺរាតត្បាតទារបស់ខ្ញុំឡើយ
កន្លែងចិញ្ចឹមត្រូវបានសំអាតជារៀងរាល់ថ្ងៃ
ទឹកសម្រាប់ឲ្យទាលេងត្រូវបូមប្តូរមកច្រោះឲ្យស្អាត
រួចទើបបង្ហូរចូលវិញ
ការធ្វើបែបនេះវាជួយកាត់បន្ថយការឆ្លងជំងឺបានទាំងស្រុង ។
យើងបានភ្ញាស់ពងទាំងអស់ដែលយើងត្រូវការ
យើងជ្រើសយកតែពូជបង្កាត់ល្អ មានពងច្រើន
ហើយព្យាយាមរក្សាពូជនោះរហូតមកទល់ពេលសព្វថ្ងៃនេះ ។
ខ្ញុំមានពូជទាយ៉ាងល្អ ជាពូជទាដែលសម្រាំងនៅក្នុងកន្លែងនេះតែម្តង ។
ជារឿយៗពេក លោក Leo
Dator ត្រូវបានគេអញ្ជើញឲ្យទៅធ្វើជាវាគ្មិន
ពន្យល់ពីជោគជ័យរបស់គាត់ក្នុងការចិញ្ចឹមទាឲ្យដល់អ្នកបច្ចេកទេស
ចិញ្ចឹមទា និងអ្នកដែលមានបំណង
ចិញ្ចឹមទាដោយគ្មានការលាក់របៀបអ្វីទាំងអស់, ដោយលោក Leo Dator
មានជំនឿថា បើគេស្គាល់កសិដ្ឋានរបស់គាត់
និងរូបគាត់កាន់តែច្រើនវានឹងធ្វើឲ្យគាត់អាចលក់ទាបានកាន់តែច្រើន
។
សព្វថ្ងៃនេះលោក Leo
Dator មិនត្រឹមតែលក់សាច់ទារស់ឬ
ធ្វើរួចប៉ុណ្ណោះទេតែក៏មានលក់ស៊ុតទា ស៊ុតទាប្រៃច្រើនប្រភេទ
កូនទា ពងទាកូន និង អាហារខ្លះដែលផ្សំពីពងទាផងដែរ ។
វាជារឿងមួយដែលគួរត្រូវបានយកមកពិចារណា ហើយក៏ជាគំរូមួយយ៉ាងល្អផងដែរ ។
សព្វថ្ងៃនេះលោក Leo
Dator មានពងទាពី ៣០.០០០-៥០.០០០
សម្រាប់លក់ឲ្យទីផ្សារដោយមានមេទាពងត្រឹមចំនួន ៥៥.០០០ ប៉ុណ្ណោះ ។
គាត់អាចស្មានពីចំនួនពងទាទទួលបានជាប្រចាំថ្ងៃ គឺមិនខុសពី
៥០.០០០ពងទេ បើវាធ្លាក់ទាបក៏មិនតិចជាង ៣០.០០០ដែរ។
-ការចិញ្ចឹមទា តាមបច្ចេកទេសបែបវិទ្យាសាស្ត្រធម្មជាតិ
១- ការជ្រើសរើសពូជ
- ជាទាជំនាន់ អ៊ី អ៊ិក្ស អិម ដែលបង្កើតឡើងដោយការភ្ញាស់ចេញពីពងទា អ៊ី អ៊ិក្ស អិម ។
- ជ្រើសរើសយកកូនទាដែលមានឆ្អឹងរឹងមាំ ។
- ដងខ្លួនមានរាងជាចតុកោណស្មើ ។
- ឆ្អឹងគុម្ពកន្ទុយរន្ធគូថត្រូវឃ្លាតឆ្ងាយពីគ្នាចំពោះទាមេ ចំណែកឯទាបាវិញត្រូវឆ្អឹងនៅជិតគ្នា ។
២- ការសង់ទ្រុងទា
- ការសង់ ទ្រុងទាត្រូវធ្វើឡើងនៅតាមបណ្តោយថ្ងៃ ។ បណ្តោយទ្រុង ១០ម៉ែត្រ និងទទឹង ៤ម៉ែត្រ។ តំរូវចំនួន ២៥០ ទៅ ៥០០ក្បាល ។ ការធ្វើទ្រុងបែបនេះជាការចិញ្ចឹមតាមលក្ខណៈគ្រួសារ។
- ជុំវិញ ទ្រុងដែលសង់គួរតែយកស្បៃនីឡុងព័ទ្ធជុំវិញ ឬយកសំណាញ់ដែកព័ទ្ធជុំវិញឬយកសំណាញ់ដែកព័ទ្ធជាការប្រសើរ ដើម្បីការពារសត្វផ្សេងៗមកយាយីជីវិតសត្វទា និង ការចំលងមេរោគ។
- ចំពោះដំបូលទ្រុង គួរតែប្រក់ស្លឹកធ្វើពីស្បូវ ជៀសវាងយកដែកមកប្រក់ ជាហេតុបណ្តាលអោយឡើងកំដៅនៅពេលរដូវក្តៅ ។
- កំពស់រោងទា ប្រមាណ ១.៥ម៉ែត្រ ទៅ ២ម៉ែត្រ ។
- នៅក្នុងទ្រុងទាត្រូវក្រាលអង្កាមរស់ ឬមិនបាច់ក៏បានដែរ បើក្រាលវាចំណេញការធ្វើជីអង្កាមរស់ដើម្បីយកទៅដាក់ស្រែ ។
៣- ការថែទាំកូនទា
- កូនទាដែលញាស់បាន ១សប្តាហ៍ហើយ ត្រូវយកមេ អ៊ី អ៊ិក្ស អិម បញ្ច្រកក្នុង ១ក្បាល ១សេសេ។
- បើ អាកាសធាតុប្រែប្រួលត្រជាក់ខ្លាំង យើងត្រូវយកក្អមមកចងព្យួរ ដុតធ្យូងដើម្បីរក្សាសីតុណ្ហភាព បើសិនជាស្ថិតនៅក្នុងរដូវប្រាំងវិញ លើផ្ទៃដែលកូនទារស់នៅមិនចាំបាច់ក្រាលអង្កាមទេ ។
- យក មេ អ៊ី អ៊ិក្ស អិម ១លីត្រ លាយជាមួយទឹកស្អាត ១០០០០លីត្រ អោយកូនទាផឹកជារៀងរាល់ថ្ងៃ (ទឹកស្អាត ១០លីត្រ លាយមេអ៊ី អ៊ិក្ស អិម ១សេសេ) ។ ទឹកដែលលាយនេះមិន អាចទុកលើសពី ២៤ម៉ោងទេ បើទាផឹកមិនអស់ត្រូវជះទៅលើកន្លែងដែលមានក្លិនស្អុយហើយយើងចាប់ លាយសារជាថ្មីដោយអនុវត្តន៍តាមរបៀបនេះជារៀងរាល់ថ្ងៃ បើសិនជាមានជំងឺក៏ ងាយស្រួលនឹងព្យាបាលដែរ ។
- ឧស្សាហ៍ ព្យាយាមសង្កេតមើលដំណើរសកម្មភាពទាទាំងឡាយនោះ បើទាណាមានការប្រែប្រួល ត្រូវចាប់មកបញ្ច្រកមេ អ៊ី អ៊ិក្ស អិម ចាប់ពី ១-៣សេសេ ចំពោះទា ១ក្បាល ហើយទុកមួយកន្លែងសិន ។ បើសិនជាសះស្បើយហើយទើបយើងបញ្ចូលក្នុងហ្វូងវិញ តែបើសិនជានៅមានបញ្ហាទៀតសូមទំនាក់ទំនងមកក្រុមហ៊ុនដើម្បីយកថ្នាំ បសុសត្វទៅព្យាបាល ។
- យកម្សៅសំរិទ្ធ ១កញ្ចប់តូច លាយជាមួយចំណីមាន់ ៥គីឡូក្រាម ក្នុងមួយសប្តាហ៍ អោយមាន់ស៊ី ១ ឬ២ដង
- យកម្សៅសំរិទ្ធ ១កញ្ចប់តូច លាយជាមួយទឹកស្អាត ៥លីត្រ អោយមាន់ផឹកមួយសប្តាហ៍ ២ដង។
- នៅ ជុំវិញបរិវេណ ដែលទាតែងតែរស់នៅ (ទ្រុង មាត់ស្រះទឹក ទឹកស្រះ) គួរតែបាញ់ អ៊ី អ៊ិក្ស អិមបំផ្លាញបាក់តេរីអាក្រក់ ក្នុង១សប្តាហ៍ ១ ទៅ ២ដង ទោះជាត្រូវកូនទា ទាធំក៏ មិនអីដែរ (១:២៥០) ។ ការធ្វើបែបនេះបរិស្ថានរស់នៅរបស់ទាល្អ ទាជៀសផុតពីជំងឺផ្សេងៗ បើចង់បានផលការចិញ្ចឹមត្រូវយកចិត្តទុកដាក់ ។
៤- ករណីទាមានជំងឺ
- ជំងឺ ទាទន់ជើង គេហៅថា ទាប៉ាប យើងប្រើមេ អ៊ី អ៊ិក្ស អិម បញ្ច្រក១ក្បាល ៣សេសេ ក្នុង១ថ្ងៃ៣ដង បើមិនបាត់ត្រូវបញ្ច្រកមេ អ៊ី អ៊ិក្ស អិម ១-២សេសេ លាយជាមួយបណ្តេញ ពណ៌ខៀវ របស់ក្រុមហ៊ុន ១-២សេសេ ។ បើនៅតែមិនជា សូមប្រើថ្នាំបសុសត្វរបស់ក្រុមហ៊ុន ឈ្មោះអាមុក រឺទំនាក់ទំនងមកអ្នកជំនាញរបស់ក្រុមហ៊ុន ។
- ជំងឺក្រហមភ្នែក សូមប្រើម្សៅសំរិទ្ធលាយជាមួយមេ អ៊ី អ៊ិក្ស អិម នឹងចំណីអាហារអោយទាស៊ី។
- ក្នុងករណី មានជំងឺផ្សេងៗទៀតលើសពីនេះ ឬប្រើប្រាស់ទៅមិនមានប្រសិទ្ធិភាព សូមទំនាក់ទំនងមកក្រុមការងាររបស់យើងខ្ញុំ (០២៣ ៨៨ ២៥ ៥៥) ។
- បង្កាត់ពូជទាកាប៉ាជាមួយទាសាច់
ពូជ ទាបង្កាត់រវាងទាកាប៉ាជាមួយទាសាច់ មានអត្ថប្រយោជន៍ច្រើន ព្រោះវាបានបង្កើតពូជទាមួយថ្មី ដែលមានលក្ខណៈពិសេសដូចខាងក្រោមនេះ :
- វាធំលូតលាស់លឿនជាងទាកាប៉ាពូជសុទ្ធ ឬពូជទាធម្មតា ប្រើពេលចិញ្ចឹមខ្លី ឆាប់បានលក់
- វាមានសាច់ឆ្ងាញ់ជាងទាកាប៉ា និងទាសាច់ធម្មតា មានខ្លាញ់តិចជាង
- ទម្ងន់រវាងទាឈ្មោល និងទាញីខុសគ្នាតិចតួច
- ទាំងទាឈ្មោល និងទាញី អាចយកមកបំប៉នឲ្យឆាប់ធាត់ ដើម្បីបង្កើនចំណូលឲ្យបានច្រើនជាងធម្មតា
១- ការបង្កាត់ពូជតាមបែបធម្មតា
បើយើងប្រើ
ពូជទាកាប៉ាឈ្មោលមកបង្កាត់ជាមួយទាសាច់ញី
យើងអាចបង្កាត់ក្នុងម្តងបានតែចំនួនបួនទៅប្រាំក្បាលតែប៉ុណ្ណោះ
នេះបើយើងបង្កាត់វាតាមបែបធម្មជាតិ
ដោយឲ្យទាកាប៉ាឈ្មោលជាន់ទាសាច់ញី (ទាស)
២- ការបង្កាត់តាមបែបសិប្បនិមិត្ត
ការប្រើ
ទឹកកាមរបស់ទាកាប៉ាឈ្មោលមកបង្កាត់ឲ្យទាញី (ទាស)
តាមបែបសិប្បនិមិត្ត អាចឲ្យយើងបង្កាត់បានរហូតដល់២០ ទៅ២៥មេ
ក្នុងករណីពិសេសខ្លះ អាចបង្កាត់បានរហូត៤០ ទៅ៥០ក្បាលទាញីក៏បាន។
ភាគរយនៃអត្រាបង្កកំណើតមានរហូតដល់៩៥ភាគរយ
ឯអត្រាញាស់វិញអាចទទួលបានរហូតដល់៨៥ភាគរយ។
៣- របៀបទទួលយកទឹកកាមពីទាកាប៉ាឈ្មោល
ជ្រើសរើសយក
ទាកាប៉ាឈ្មោល មានអាយុពី២៦
ទៅ២៨សប្តាហ៍មានរូបរាងល្អមិនពិការផ្នែកណាមួយ
មានសុខភាពល្អពេញវ័យសម្រាប់បន្តពូជ
បន្ទាប់មកយើងរៀបចំទ្រុងមួយបួនជ្រុង ដើម្បីបង្ខាំងទាកាប៉ាឈ្មោលនោះ
អាចធ្វើពីឫស្សី ឬធ្វើពីដែកក៏បាន ទ្រុងអាចមានកំពស់ ៦០ស.ម ទទឹង
៦០ស.ម និងបណ្តោយ ៦០ស.ម
ត្រូវធ្វើវាឲ្យមានទ្វារពីខាងលើសម្រាប់ដាក់ស្នូកទឹក ស្នូកចំណី
ដើម្បីឲ្យងាយស្រួលដាក់ទឹក និងចំណី
និងងាយស្រួលសម្រាប់ការថែទាំវាផង។ ជញ្ជាំងរបស់ទ្រុង
គួរធ្វើពីសំណាញ់បន្ទះរនាបឫស្សី
លៃយ៉ាងណាឲ្យមានប្រហោងអាចឲ្យមានខ្យល់ចេញចូលបានល្អ
និងឲ្យទាអាចមើលចេញមកខាងក្រៅបាន។
ត្រូវរក
ទាកាប៉ាញីចំនួនមួយ
ឬពីរក្បាលដាក់ក្នុងទ្រុងមួយមករៀបដាក់នៅជាប់គ្នាជាមួយទ្រុង
របស់ទាកាប៉ាឈ្មោលនោះ។ ទាកាប៉ាញីត្រូវរើសយកទាដែលពេញវ័យបន្តពូជ
ធ្វើបែបនេះ
ដើម្បីជួយរំញោចឲ្យទាកាប៉ាឈ្មោលមានអារម្មណ៍ចង់បន្តពូជ។
អ្នកថែរក្សា
ទាឈ្មោលនេះ ត្រូវធ្វើអ្វីម្យ៉ាងដើម្បីជន្លវាជាមួយទាកាប៉ាញី
ដើម្បីឲ្យវាកញ្ជ្រោលចង់រួមភេទជាមួយទាកាប៉ាញីដែលនៅក្បែរនោះ។
វិធីជន្លអាចធ្វើដោយរបៀបច្រើនយ៉ាង
និងត្រូវធ្វើដោយសន្សឹមៗជារៀងរាល់ថ្ងៃ។ ចំណីសម្រាប់បំប៉នទាឈ្មោល
និងការថែទាំងត្រូវធ្វើឲ្យបានទៀងទាត់និងត្រឹមត្រូវ
មិនត្រូវធ្វេសប្រហែសឡើយ។
ការរំញោច
អារម្មណ៍ទាកាប៉ាឈ្មោលឲ្យចង់រួមភេទនេះ
គឺប្រយោជន៍ដើម្បីយកទឹកកាមរបស់វា
ដូច្នេះពេលវេលាសម្រាប់រំញោចអារម្មណ៍របស់វា
អាចប្រើពេលពីរ-បីសប្តាហ៍ដល់បួនសប្តាហ៍
ទើបយើងអាចយកទឹកកាមពីទាឈ្មោលនោះបាន។
ដើម្បីយកទឹកកាមពីទាកាប៉ាឈ្មោលនេះ ត្រូវធ្វើនៅម៉ោង៦ ទៅម៉ោង៩ព្រឹក មិនត្រូវធ្វើនៅពេលវេលាខុសពីនេះឡើយ។
សម្ភារៈដែលត្រូវការចាំបាច់សម្រាប់យកទឹកកាមពីទាឈ្មោលនេះមាន :
- កែវសម្រាប់ដាក់ទឹកកាមស្អាត អាចរកទិញនៅកន្លែងលក់សម្ភារៈពេទ្យនៅក្បែវត្តមហាមន្ត្រី (អូឡាំពិក)
- គ្រឿងជាវត្ថុរាវសម្រាប់លាយពង្រាវទឹកកាម
- បំពង់បូប និងបំពង់លាយទឹកកាម
- គ្រឿងសម្រាប់បាញ់ទឹកកាមទៅតាមទ្វាររបស់ទាញី
៤- របៀបយកទឹកកាមពីទាកាប៉ាឈ្មោល
យកទាកាប៉ា
ញី
ដែលបានយកមកបង្ខាំងក្បែរទាកាប៉ាឈ្មោលដាក់ចូលទៅក្នុងទ្រុងរបស់
ទាកាប៉ាឈ្មោល។ ដាក់កន្ទុយទាកាប៉ាឲ្យបែរទៅខាងអ្នកចាំយកទឹកកាម។
ពេលនោះ ទាកាប៉ាឈ្មោលវានិងព្យាយាមឡើងជាន់ទាកាប៉ាញី
អ្នកយកទឹកកាមត្រូវត្រៀមខ្លួនឲ្យបានល្អ
ព្រមជាមួយបំពង់សម្រាប់ត្រងយកទឹកកាមនៅក្នុងដៃឲ្យហើយស្រេច
នៅពេលទាកាប៉ាឈ្មោលដកពន្លៀនប្រដាប់បន្តពូជរបស់វាមកខាងក្រៅ
ដើម្បីស៊កចូលទ្វាររបស់ទាកាប៉ាញី
ត្រូវប្រញាប់យកបំពង់ដែលបានត្រៀមស៊កប្រដាប់បន្តពូជទៅក្នុងបំពង់
នោះភ្លាម
ដើម្បីកុំឲ្យទឹកកាមនោះត្រូវបានបាញ់បញ្ចូលទៅក្នុងទ្វាររបស់
ទាកាប៉ាញី
បានទឹកកាមរបស់ទាកាប៉ាឈ្មោលមានចំណុះត្រឹមតែប្រហែលជាមួយទៅពីរមី
ល្លីម៉ែត្រតែប៉ុណ្ណោះ
ភ្លាមៗនោះត្រូវចាក់វត្ថុរាវសម្រាប់ពង្រាវទឹកកាមចូលក្នុងបំពង់
ត្រងទឹកកាមនោះភ្លាមៗ
ដោយប្រើតាមអត្រាទឹកកាមបីលាយជាមួយវត្ថុរាវមួយអំពូល។
បន្ទាប់ពីបានលាយពង្រាវទឹកកាមរួចហើយត្រូវបូមវាបញ្ចូលក្នុងបំពង់
ផ្ទុកទឹកកាមសម្រាប់ប្រើការ ក្នុងបំពង់ផ្ទុកទឹកកាមមួយៗ
អាចយកទៅបង្កកំណើតឲ្យទាញី (ទាស) បានចំនួន ២៥ក្បាល។
៥- របៀបបង្កកំណើតឲ្យទាញី (ប្រភេទទាស)
ត្រូវជ្រើស
យកទាញីដែលមានរូបរាងល្អ មានសុខភាពល្អ
មានមាឌធំជាងទាដទៃនៅក្នុងហ្វូង
និងជាទាញីមានវ័យត្រូវបន្តពូជបានសម្រាប់យកមកបង្កាត់។
ដាក់ទាញី
ឲ្យឱនក្បាលចុះ ប្រើភ្លៅ និងក្បាលជង្គង់កៀបខ្លួនទាញីឲ្យជាប់
បន្ទាប់មកប្រើដៃទាំងពីរ
ដើម្បីសង្កត់រន្ធសម្ងាត់របស់ទាញីរហូតអាចមើលឃើញប្រដាប់បន្តពូជ
របស់ទាញីលៀនចេញមក
ឃើញច្បាស់ប្រើប្រដាប់បាញ់ទឹកកាមបាញ់ទឹកកាមបញ្ចូលទៅក្នុង
ប្រដាប់បន្តពូជរបស់ទាញី រាល់ពេលបានបាញ់ទឹកកាមឲ្យទាញីរួច
ហើយត្រូវពិនិត្យមើលកម្រិតទឹកកាមដែលមានសល់នៅក្នុងបំពង់ជារៀងរាល់
លើក ដើម្បីធានាឲ្យបានថា ចំនួនទឹកកាមមានគ្រប់គ្រាន់សម្រាប់ទាចំនួន
២៥ក្បាល។
ត្រូវធ្វើបែបនេះជាថ្មី ក្រោយមកចំនួន៤ថ្ងៃក្រោយ ដើម្បីធានាពីការអាចឲ្យទឹកកាមបង្កជាកំណើតឲ្យពងរបស់ទាញីបាន។
៦- របៀបភ្ញាស់ពងទាកូនកាត់
- ការភ្ញាស់ពងទា ពូជបង្កាត់នេះ គឺមិនមានអ្វីខុសគ្នាពីការភ្ញាស់ពងទាធម្មតានោះដែរ។
- ពេលវេលានៃ ការញាស់របស់ទាពូជកាត់នេះ គឺមានវេលា ៣២ថ្ងៃ អាស្រ័យហេតុនេះ បន្ទាប់ពីយើងបានដាក់ភ្ញាស់ទាក្នុងទូភ្ញាស់បាន ២៨ថ្ងៃ ដល់ ២៩ថ្ងៃ ហើយពងចាំបាច់ត្រូវបញ្ជូនចូលម៉ាស៊ីនញាស់មួយផ្សេងទៀត។
- កូនទាកាត់ ពូជនេះ ពេលញាស់ចេញមក មានសម្បុររោមបីយ៉ាង : ពណ៌លឿងក្រូចឆ្មា មានស្នាមអុជៗនៅត្រង់ក្បាល អាចមានចំនួន ២០ភាគរយ។ ពណ៌លឿងក្រូចឆ្មា មានស្នាមអុជៗនៅក្បាល និងនៅខ្នង មានប្រមាណជា៦០ភាគរយ។ ពណ៌ប្រផេះមានលាយលឿង មានប្រមាណជា ២០ភាគរយ។
កូនទា
បង្កាត់ពូជនេះ ការលូតលាស់របស់វាលឿន តែពូជបង្កាត់នេះ
ទោះបីមានឈ្មោល មានញី ប៉ុន្តែការបន្តពូជរបស់ពួកវា
មិនអាចធ្វើទៅបានឡើយ ឯការបង្កាត់នេះទៀតសោត
គឺធ្វើដើម្បីតែសម្រាប់លក់ជាសាច់ប៉ុណ្ណោះ
មិនមែនសម្រាប់យកមកបង្កើតពូជថ្មីឲ្យវាបន្តពូជបានឡើយ។
ចំពោះ
ការចិញ្ចឹមវារហូតធំនោះវិញ
គឺធ្វើដូចគ្នាទៅនិងការចិញ្ចឹមទាបែបដទៃដែរ តែប្រើពេលខ្លីជាង
និងប្រើចំណីតិចជាង។ ពូជទាថ្មីនេះ
វាមានសក្តានុពលផ្នែកពាណិជ្ជកម្មច្រើនជាង
ព្រោះសាច់វាឆ្ងាញ់ជាងទាដទៃ៕
-ចិញ្ចឹមទាតាមរយៈបទពិសោធន៍អ្នកផ្សេង (កសិករវៀតណាម)
+ ជ្រើសរើសកូនទាសម្រាប់ចិញ្ចឹម :
- កូនទាទើប ញាស់ថ្មី មានរោមស្ងួតជើងរលោង រោមកន្ទុយត្រង់ ផ្ចិតរបស់វាស្ងួតស្រាល បញ្ជាក់ថា កូនទាញាស់ត្រូវតាមថ្ងៃកំណត់។
- ហាមយកកូនមានជើងស្ងួតស្រអាប់ ផ្ចិតសើម វៀចចំពុះ លំបាកចិញ្ចឹមបំផុត ការងាប់អន្តរាយដោយរើសខុសនេះ គឺខ្ពស់បំផុត។
+ ការមើលថែទាំកូនទា :
- ត្រូវ ព្រលែងកូនទាភ្លាមឲ្យចុះដីត្រង់ទីរោង ដែលត្រូវដាក់វា មិនត្រូវទុកនៅក្នុងកញ្ឆេយូរពេកនោះឡើយ ព្រោះវានៅផុតពីកំដៅដីយូរពេក ធ្វើឲ្យស្បែកបាតរបស់ជើងទាងាយស្ងួត ឈានជើងដើររឹងៗ មិនសកម្ម នាំឲ្យលំបាកចិញ្ចឹម។ បន្ទាប់ពីបានដាក់កូនទាចុះ រួចហើយត្រូវរំលែកវាដាក់តាមប្រឡោះដែលមានបាំងរបាំងក្នុងមួយរបាំង ដាក់កូនទាចំនួន ១០០ ទៅ ១៥០ក្បាល ត្រូវដាក់កំដៅឲ្យកូនទាជានិច្ច ទាំងពេលថ្ងៃនិងពេលយប់ សូមកុំឲ្យកូនទារការត្រជាក់ឲ្យសោះ បើមិនដូចច្នោះទេ កូនទាអាចងាប់នៅពេលក្រោយបាន។
- កូនទាដែល ញាស់បាន ១០ម៉ោង ហើយអាចឲ្យស៊ីចុងអង្ករត្រាំទឹកច្របល់ជាមួយមើមខ្ទឹមសបុកឲ្យល្អិត ដោយលាយមើមខ្ទឹមមួយភាគបីនៃចុងអង្ករ (ខ្ទឹមសមួយគីឡូ ចុងអង្ករបីគីឡូ)។
- នៅពេលយប់ ត្រូវដាក់ភ្លើងកំដៅឲ្យកូនទា មិនត្រូវឲ្យវាដេកសង្កត់លើគ្នា ព្រោះអាចធ្វើឲ្យកូនទាខ្សោយ ងាយងាប់ ឬត្រូវពិការជើង។ គេអាចប្រើចង្កៀងអគ្គិសនីអំពូលក្រហម ឬចង្ក្រានធ្យូងក៏បាន មិនត្រូវទ្រាប់ចំបើងច្រើនពេកទេ អាចទ្រាប់ត្រឹមតែមួយស្រទាប់ ឬប្រើការ៉ុងចាស់ទ្រាប់ពីក្រោមមួយជាន់ក៏បាន។
- ថ្ងៃទីពីរ បន្តឲ្យកូនទាស៊ីចំណីលាយដូចរូបមន្តខាងលើដដែល តែត្រូវព្រលែងកូនទាឲ្យចេញហាលកម្តៅថ្ងៃ ដើម្បីឲ្យវាប្រើកម្លាំងកំភួនជើងវាដើរ។ ដាក់ទឹកស្អាតនៅលើទីទួលជាងគេឲ្យវាផឹក។
- ថ្ងៃទីបី និងទីបួន អាចកៀងកូនទាឲ្យចុះទឹកអាងរាក់ៗ ឬទឹកស្រែរាក់ៗចំនួនប្រហែល៥នាទី រួចកៀងវាឡើងគោកវិញ ការធ្វើបែបនេះ គឺយើងទម្លាប់ឲ្យវាចេះផឹកទឹកផង និងឲ្យវាចសិតរោមឲ្យស្អាតផង។
ត្រូវ
ព្យាយាមធ្វើដូច្នេះឲ្យបានច្រើនដងក្នុងមួយថ្ងៃ
ការមិនបានបង្ហាត់ឲ្យវាធ្វើដូច្នេះ
អាចធ្វើឲ្យរោមរបស់វាសើមខ្លួនទាចុះកម្តៅ ត្រូវខ្សោយ
និងអាចងាប់នៅពេលណាមួយបាន
ជួនកាលទាត្រូវងាប់រហូតដល់ពីរភាគបីផងក៏មាន
ដោយសារតែវាមិនចេះសិតរោម និងកំដៅខ្លួនរបស់វាចុះទាប។
- ថ្ងៃទីបី ដល់ថ្ងៃទីប្រាំមួយ ត្រូវព្រលែងទាចេញក្រៅនៅពេលមេឃក្តៅល្មម តែត្រូវកៀងត្រឡប់មកវិញពេលមេឃក្តៅខ្លាំង។ រហូតមកទល់ពេលនេះចំណីរបស់វានៅតែជាចុងអង្ករដដែល តែត្រូវលាយជាមួយម្សៅពោតច្របល់ចូលបន្ថែម ឯមើមខ្ទឹមសត្រូវលាយមួយភាគបីនៃបរិមាណចំណីដូចមុន ដើម្បីរក្សាកំដៅក្នុងខ្លួនឲ្យកូនទា និងការពារវាពីបាក់តេរីផ្សេងៗ។ បើសិនជាកូនទាមានអត្រាងាប់ខ្ពស់ ត្រូវបន្ថែមមើមខ្ទឹមសស្មើ៥០ភាគរយនៃចំណី។
- ថ្ងៃទី ប្រាំពីរដល់ថ្ងៃទីដប់ប្រាំ បន្ទាប់ពីកូនទាមានអាយុបានប្រាំពីរថ្ងៃ ពេលនេះកូនទាមានភាពរហ័សរហួនជាងមុន វាចេះដេញចាប់សត្វល្អិត យើងអាចដេញទាឲ្យចូលក្នុងស្រែក្បែរៗនោះ ឬជាស្រះទឹកនៅរៀងរាល់ពេលមេឃមានកំដៅមធ្យម និងមានកន្លែងសម្រាប់ឲ្យទាជ្រកពេលមេឃក្តៅខ្លាំង ដើម្បីឲ្យវាឡើងមានសិតរោមឲ្យស្ងួត។ នៅត្រឹមអាយុប៉ុណ្ណឹង គេអាចលាយចំណីវា មានចុងអង្ករ ម្សៅពោត (កិនឲ្យម៉ដ្ឋ) ដោយមានលាយកន្ទក់បន្ថែម និងមានលាយមើមខ្ទឹមសជាបន្ថែម (បុកឲ្យម៉ដ្ឋ) បើមេឃត្រជាក់ ឬនៅពេលឃើញកូនទាដកដង្ហើមដង្ហក់នៅពេលយប់។ (បរិមាណសម្រាប់លាយ ចុងអង្ករ ៥០ ពោត ២៥ កន្ទក់ ២៥ បន្ថែមខ្ទឹមស ៥ភាគទៀត) សូមបង្កើនបន្ថែមបរិមាណខ្ទឹមសចូលក្នុងចំណីឲ្យឡើងរហូតដល់ ១០ភាគរយ ឬលើសនេះ បើឃើញកូនទាមិនសូវសកម្ម។ មិនត្រូវឲ្យទាស៊ីក្នុងស្នូកចង្អៀតទេ ត្រូវដាក់ចំណីវាទៅលើកន្ទេល ឬការ៉ុងក្រាលនៅលើដី បើជាទីក្រាលស៊ីម៉ង់ត៍ត្រូវដាក់សំពត់តង់ក្រាលឲ្យវាស៊ី ឬអាចប្រើអ្វីដែលក្រាសដូចជាកន្ទេលកក់ជាដើម ធ្វើបែបនេះ ដើម្បីការពារកុំឲ្យទារលាត់ចំពុះ ណាមួយដើម្បីបញ្ចៀសទាដែលខ្លាំងជាងដណ្តើមស៊ី ជាហេតុធ្វើឲ្យទាធំមិនស្មើគ្នា។ នៅពេលយប់មិនចាំបាច់ដាក់កំដៅឲ្យក៏បាន ដោយគ្រាន់តែបាំងឲ្យងងិត បើមានផ្ទៃទូលាយពេកត្រូវបាំងឲ្យជិតកុំឲ្យខ្យល់ចូលបាន តែផ្នែកបាតត្រូវទ្រាប់ចំបើង ឬស្មៅស្ងួតមួយស្រទាប់។ បើអាចធ្វើទៅបានត្រូវដាក់ចង្កៀងបំភ្លឺ ដើម្បីឲ្យទាមើលផ្លូវឃើញច្បាស់ ចៀសវៀងវាដើរជាន់គ្នា។
ក្នុងអាយុ
នេះត្រូវផ្តល់ជាបន្ថែមកូនត្រីស្រស់ កំពឹស ក្តាម ខ្យង
ចិញ្ច្រាំឲ្យម៉ត់ច្របល់ចូលជាមួយចំណី
ប្រកូកហៅវាឲ្យមកស៊ីបួនទៅប្រាំដងក្នុងមួយថ្ងៃ
ត្រូវប្រើសម្លេងអ្វីមួយជាសញ្ញាសំគាល់ឲ្យទាវាចំណាំបាន។
- ចាប់ពីដប់ ប្រាំថ្ងៃឡើងទៅ គេអាចបង្ហាត់ឲ្យកូនទាស៊ីស្រូវបានខ្លះ ដោយលាយស្រូវត្រាំទឹកឲ្យទន់ជាមួយអង្ករ (អង្ករបី ស្រូវមួយ) ដោយដាក់ពង្រាយលើអ្វីមួយឲ្យទាស៊ី ឬឲ្យទាស៊ីអង្ករត្រាំទឹកមុន ទើបឲ្យស៊ីស្រូវតាមក្រោយ (ទាំងស្រូវ និងអង្ករមិនបាច់ចំអិនទេ)។
បន្ទាប់ពី
ទាមានអាយុមួយខែកន្លះ យើងអាចឲ្យវាស៊ីស្រូវតាមស្រែ
ឬទិញស្រូវមកពង្រាយដាក់ឲ្យវាស៊ីត្រង់ទីដែលចិញ្ចឹមវាក៏បាន។
តែខណៈទាមានអាយុពីម្ភៃប្រាំថ្ងៃដល់សាមសិបថ្ងៃ
ពេលនេះទាមានដុះរោមហើយ។ នៅពេលវាធំ
ទាកាន់តែត្រូវការទីកន្លែងធំទូលាយជាងមុន មានខ្យល់ចេញចូលល្អ
ស្ងប់ស្ងាត់ព្រោះក្នុងអាយុនោះ ទាវាអៀនខ្មាស់បំផុត
និងចូលចិត្តភាពទូលាយនៅពេលយប់។
បន្តឲ្យវាស៊ីត្រូវលាយជាមួយក្តាម ខ្យង និងត្រី រហូតដល់វាធំអាចលក់បាន ឬទុកសម្រាប់ឲ្យវាពងក៏បាន៕
No comments:
Post a Comment